Braziliyalik himoyachi Felipe Melo faoliyatini tugatishga qaror qildi. «Inter»ning sobiq himoyachisi buni kelasi yil yozida Amerika Qo‘shma Shtatlarida bo‘lib o‘tadigan klublar o‘rtasidagi jahon chempionatidan keyin amalga oshirishini ma’lum qildi.
«Fluminense» ushbu yangi turnirda ishtirok etadi, natijada Melo yozgacha kutish, o‘ynash va shundan keyingina butsalarini mixga ilish to‘g‘ri qaror bo‘lishini aytdi.
«Shartnomam yil oxirigacha amal qiladi, ammo klub bilan kelishuvga erishib, klublar o‘rtasidagi jahon chempionatida o‘ynashga umid qilaman. Ammo bu chempionatdan keyin ketish haqidagi qaror allaqachon qabul qilingan va o‘zgartirilmaydi», - dedi Melo.
