"Yuventus"ning sobiq futbolchisi Leonardo Bonuchchi Gleyson Bremerning jarohati haqida gapirdi.
Braziliyalik markaziy himoyachi Chempionlar ligasi doirasida "RB Leypsig"ga qarshi o‘yinda xochsimon paylari yirtilgani sababli mavsumning qolgan qismida maydonga tusha olmaydi.
"Bremerning jarohati "Yuventus" uchun katta yo‘qotish. U jamoaning himoya bo‘g‘inini yakka o‘zi boshqarishga qodir ekanligini isbotladi.
U bilan siz o‘z darvozangizdan 60 metr masofani erkin himoya qila olasiz va hammasi yaxshi bo‘ladi.
Uning o‘rniga kim bo‘lsa, 110% jonini berishi kerak", - deya himoya markazida ham o‘ynagan Bonuchchining so‘zlarini keltiradi jurnalist Janluka di Marsio.
