"Ювентус"нинг собиқ футболчиси Леонардо Бонуччи Глейсон Бремернинг жароҳати ҳақида гапирди.
Бразилиялик марказий ҳимоячи Чемпионлар лигаси доирасида "РБ Лейпциг"га қарши ўйинда хочсимон пайлари йиртилгани сабабли мавсумнинг қолган қисмида майдонга туша олмайди.
"Бремернинг жароҳати "Ювентус" учун катта йўқотиш. У жамоанинг ҳимоя бўғинини якка ўзи бошқаришга қодир эканлигини исботлади.
У билан сиз ўз дарвозангиздан 60 метр масофани эркин ҳимоя қила оласиз ва ҳаммаси яхши бўлади.
Унинг ўрнига ким бўлса, 110% жонини бериши керак", - дея ҳимоя марказида ҳам ўйнаган Бонуччининг сўзларини келтиради журналист Жанлука ди Марцио.
