O‘zbekiston U-20 terma jamoasi sardori Muhammadali O‘rinboyev Urugvayga qarshi o‘yin oldidan o‘z fikrlarini bildirdi.
«Argentina bilan ikki o‘yin biz uchun juda katta tajriba bo‘ldi. Birinchi mag‘lubiyatga uchradik, keyingi o‘yinda xatolardan to‘g‘ri hulosa chiqarib, durang qayd etdik. Juda zo‘r o‘yin bo‘ldi, deb o‘ylayman. Barcha yigitlar borini berdi.
Urugvay bilan dastlabki o‘yinda birinchi bo‘lib gol urdik. Oxirgi daqiqalarda ular penalti orqali hisobni tenglashtirishdi. O‘ylashimcha, biz g‘alabaga loyiq edik. Ertangi o‘yinga hamma yaxshi kayfiyatda mashg‘ulot o‘tkazmoqda. G‘alaba qozonmoqchimiz.
Oldimizga qo‘ygan birinchi maqsad Osiyo kubogi. Jamoamiz juda kuchli. Turnirda chempionlik uchun kurashamiz», - dedi O‘rinboyev.
