Ўзбекистон U-20 терма жамоаси сардори Муҳаммадали Ўринбоев Уругвайга қарши ўйин олдидан ўз фикрларини билдирди.

«Аргентина билан икки ўйин биз учун жуда катта тажриба бўлди. Биринчи мағлубиятга учрадик, кейинги ўйинда хатолардан тўғри ҳулоса чиқариб, дуранг қайд этдик. Жуда зўр ўйин бўлди, деб ўйлайман. Барча йигитлар борини берди.

Уругвай билан дастлабки ўйинда биринчи бўлиб гол урдик. Охирги дақиқаларда улар пенальти орқали ҳисобни тенглаштиришди. Ўйлашимча, биз ғалабага лойиқ эдик. Эртанги ўйинга ҳамма яхши кайфиятда машғулот ўтказмоқда. Ғалаба қозонмоқчимиз.

Олдимизга қўйган биринчи мақсад Осиё кубоги. Жамоамиз жуда кучли. Турнирда чемпионлик учун курашамиз», - деди Ўринбоев.