"Lasio" sport direktori Anjelo Fabiani "Yuventus" bilan o‘yinda VAR ishini tanqid qildi.

“Lasio” A Seriyaning 8-turida turinliklarga imkoniyatni boy berdi (0:1). Rimliklar 24-daqiqada Alessio Romanyolining Pyer Kaluluga qo‘pollik ishlatgani uchun maydonda bir kishi kam bo‘lib qolishdi. 

"Bu g‘azab emas, biz ajoyib o‘yin o‘tkazgan yigitlarimizni maqtashimiz kerak.

Futbol gol urishda bir xillikni talab qiladi. Duglas Luis goldan oldin Patrik (Gabarron)ga musht tushirdi, ammo VAR bunga aralashmadi.

O‘sha Duglas Rovellaga qarshi oyog‘i bilan xavfli o‘ynadi, ammo bu holatda VAR aralashmadi, chunki u Romanyoli maydondan chetlatilganda aralashdi. Aytgancha, bu hakam ko‘ra olmaydigan epizod edi.

"Fiorentina"ga qarshi o‘yinda bizga ikkita penalti belgilandi: VAR qarorlari bir yo‘nalishda emas, balki hamma uchun bir xil bo‘lishi kerak.

Shunday qilib, biz hech narsaga erisha olmaymiz. Bu yil VAR “Lasio”ga katta muammolarni keltirib chiqarmoqda – barqarorlik yo‘q", - dedi “Lasio” sport direktori.