Gabriel Jezus bu mavsumda Mikel Artetaning asosiy futbolchisi emas. Hujumchi asosan zaxira o‘rindig‘idan maydonga tushadi, ammo u hozircha optimal formada emas. Biroq yozda 27 yoshli futbolchining karyerasi o‘zgarishi mumkin edi, chunki "Palmeyras" uni sotib olmoqchi. Braziliya klubi kelasi yilgi klublar o‘rtasidagi jahon chempionati oldidan o‘z tarkibini kuchaytirish uchun Jezus bilan shartnoma imzolashni ko‘rib chiqayotgan edi. Biroq, bu taklif "Arsenal" tomonidan rad etildi.

"Gabriel Jezus kelmayapti. Biz "Arsenal" bilan bog‘landik va ular: "Leyla, hech qanday sharoit yo‘q. Biz futbolchi borasida muzokaralar olib bormoqchi emasmiz. Mavzu yopiq", deyishdi" - dedi klub prezidenti Leyla Pereyra ESPN telekanaliga bergan intervyusida.

Eslatib o‘tamiz, Gabriel Jezus "Palmeyras" yoshlar akademiyasi tarbiyalanuvchisi bo‘lib, u 2017 yilning yanvarida "Manchester Siti"ga qo‘shilishdan oldin ikki yil o‘ynagan. Eslatib o‘tamiz, braziliyalik futbolchi joriy mavsumda 11 ta o‘yinda maydonga tushdi.