Габриэль Жезус бу мавсумда Микель Артетанинг асосий футболчиси эмас. Ҳужумчи асосан захира ўриндиғидан майдонга тушади, аммо у ҳозирча оптимал формада эмас. Бироқ ёзда 27 ёшли футболчининг карьераси ўзгариши мумкин эди, чунки "Палмейрас" уни сотиб олмоқчи. Бразилия клуби келаси йилги клублар ўртасидаги жаҳон чемпионати олдидан ўз таркибини кучайтириш учун Жезус билан шартнома имзолашни кўриб чиқаётган эди. Бироқ, бу таклиф "Арсенал" томонидан рад этилди.
"Габриэль Жезус келмаяпти. Биз "Арсенал" билан боғландик ва улар: "Лейла, ҳеч қандай шароит йўқ. Биз футболчи борасида музокаралар олиб бормоқчи эмасмиз. Мавзу ёпиқ", дейишди" - деди клуб президенти Лейла Перейра ESPN телеканалига берган интервьюсида.
Эслатиб ўтамиз, Габриэль Жезус "Палмейрас" ёшлар академияси тарбияланувчиси бўлиб, у 2017 йилнинг январида "Манчестер Сити"га қўшилишдан олдин икки йил ўйнаган. Эслатиб ўтамиз, бразилиялик футболчи жорий мавсумда 11 та ўйинда майдонга тушди.
