"Барселона" ярим ҳимоячиси Фермин Лопеснинг тикланиш муддати ҳақида маълумот пайдо бўлди.

Таниқ журналист Хави Мигелнинг сўзларига кўра, 23 ёшли футболчи Испания чемпионатининг янги мавсуми бошланишига қадар тўлиқ тайёр бўлади. У июль ойи охирида "Бирмингем"га қарши ўртоқлик ўйинида майдонга тушиши кутилмоқда.

Лопес ўтган мавсум охирида жароҳат олган эди. 2025/26 йилги мавсумда ярим ҳимоячи барча мусобақаларда 48 та ўйинда майдонга тушиб, 13 та гол урган ва 17 та голли узатма берган.

Испания Ла Лигасининг янги мавсуми август ойи ўрталарида бошланади.