"Barselona" yarim himoyachisi Fermin Lopesning tiklanish muddati haqida ma’lumot paydo bo‘ldi.

Taniq jurnalist Xavi Migelning so‘zlariga ko‘ra, 23 yoshli futbolchi Ispaniya chempionatining yangi mavsumi boshlanishiga qadar to‘liq tayyor bo‘ladi. U iyul oyi oxirida "Birmingem"ga qarshi o‘rtoqlik o‘yinida maydonga tushishi kutilmoqda.

Lopes o‘tgan mavsum oxirida jarohat olgan edi. 2025/26 yilgi mavsumda yarim himoyachi barcha musobaqalarda 48 ta o‘yinda maydonga tushib, 13 ta gol urgan va 17 ta golli uzatma bergan.

Ispaniya La Ligasining yangi mavsumi avgust oyi o‘rtalarida boshlanadi.