"Barselona" yarim himoyachisi Fermin Lopes klub bilan yangi shartnoma imzolaganidan so‘ng o‘z taassurotlari bilan o‘rtoqlashdi.

Payshanba kuni kataloniyaliklar yarim himoyachi bilan 2029 yilning o‘rtalariga qadar amal qiladigan shartnoma tuzilganini e’lon qildi.

"Men uchun bu - amalga oshgan orzu. Men "La Masiya"ga kelganimdan beri bunga intilaman. Ishonchingiz uchun juda minnatdorman. Umid qilamanki, hamkorligimiz yana uzoq yillar davom etadi. Hozir men bilan sodir bo‘layotgan hamma narsadan zavq olaman va kelajakda bundan ham katta muvaffaqiyatlarga erisha olaman degan umiddaman.

Men sabr qilishim kerak edi - oldinda uzoq va qiyin yo‘l bor. Lekin bu yil men ko‘p yutuqlarga erishdim va bu unutilmas bo‘ldi. Men klubga yordam berishda davom etmoqchiman", - deya 21 yoshli Lopesning so‘zlarini keltiradi Mundo Deportivo.