Yengil vazndagi armanistonlik UFC jangchisi Arman Sarukyan vaznning amaldagi chempioni Islam Maxachev bilan bo‘lajak jang haqida gapirdi.
— Sizningcha, Xabibning [Nurmagomedov] Islam va Umar burchagida bo‘lishi raqiblariga psixologik ta’sir qiladimi?
— Bilmayman. Ba’zilar uchun Xabibning burchakda ekanligi har qanday tarzda ta’sir qiladi, u hamma narsani biladi va shogirdlariga aytadi. Men uchun, aksincha, bu motivasiya. UFC'da debyut qilganimda meni hech kim tanimasdi. Islamning ortida esa Abdulmanap Nurmagomedov va Xavyer Mendes bor edi. Bu dunyodagi eng mashhur va ajoyib murabbiylar. O‘shanda menda kuchli motivasiya paydo bo‘ldi – ularga g‘alaba qozonish uchun kelganimni ko‘rsatish.
