Frank Lempard "Manchester Yunayted"ning hozirgi holati haqida gapirdi.
Avvalroq klubni Erik ten Xag o‘rniga bosh murabbiy etib tayinlangan Ruben Amorim boshqarishi ma’lum bo‘lgandi.
"Gap Klopp, Gvardiola, Arteta haqida ketmoqda - chinakam muvaffaqiyatli mutaxassislar. Ammo ko‘proq narsaga qarash kerak.
Men futbolchilarni javobgarlikdan ozod qilmayman. Ular murabbiylikdagi o‘zgarishlarni bahona qilishlari mumkin.
Agar so‘nggi bir necha yil ichida "Manchester Yunayted"ga tashqaridan qarasangiz - Gleyzerlar, murabbiy, yangi murabbiy.
Aksariyat o‘yinchilar muvaffaqiyatga chanqoq bo‘lsalar va muvaffaqiyatga erishmoqchi bo‘lsalar va bu natijaga olib kelmasa, buni bahona sifatida ishlatishlari mumkin" - dedi "Chelsi"ning sobiq yarim himoyachisi va murabbiyi Frank Lempard Sky Sports nashriga.
