Ispaniyaning "Marca" nashri Madridning “Real” klubidagi qator muammolarni sanab o‘tdi.

Madridliklar joriy mavsumni muvaffaqiyatsiz boshladi. Qaymoqranglilar chempionat boshida “Malyorka”, “Las-Palmas” va “Atletiko” klublari bilan durang o‘ynadi, “Barselona”ga esa mag‘lub bo‘ldi. Chempionlar Ligasida ham “Lill” va “Milan”ga imkoniyatni boy berdi.

— Markazlashgan tizimning yo‘qligi;

Agar o‘tgan mavsumda ko‘p hollarda maydon markazida “romb” sxemasi qo‘llanilgan bo‘lsa, joriy mavsumda aniq ifodalangan sxema bo‘lmagan holda kamida to‘rtta turli uslub ishlatildi.

— Toni Kroosning ketishi;

— Jud Bellingemning samaradorligi tushib ketishi;

Xabar qilinishicha, Jud nafaqat kamroq gol urish va samarali uzatmalar berishni, balki umuman o‘yinni keskinlashtirish qobiliyatini ham pasaytirgan.

— Kilian Mbappening markaziy hujumchi roli yetarlicha samara bermayapti;

Tahlillarga ko‘ra, Kilian o‘yin vaqtida ko‘proq chap qanotga o‘tadi va Vinisiusning pozisiyasini takrorlaydi.

— Raqib darvozasi oldidagi imkoniyatlardan samarali foydalanmaslik;
— Himoya o‘yini yomonlashishi;
— Himoyachilar soni yetarli emasligi;
— Birorta o‘yinchi o‘zining eng yuqori jismoniy holatida emasligi;
— Endrik va Gyuler asosiy tarkibdagi o‘yinchilarga yetarli raqobat ko‘rsata olmayotgani;
— Standart vaziyatlarda ham o‘z darvozasi, ham raqib darvozasi oldidagi sust o‘yin.

Hozirda rahbariyat Anchelottining iste’fosi haqida o‘ylamayapti. Murabbiy hammasini yana iziga qaytarishi va natijalar yaxshilanishiga umid qilmoqda.