Hujumchi Kilian Mbappe ketma-ket ikkinchi marta Fransiya terma jamoasi yig‘inini o‘tkazib yubormoqda. «L'Equipe» xabariga ko‘ra, Mbappening oktyabr va noyabr oylarida yo‘qligi «uchranglilar» futbolchilarini hayratda qoldirmadi. Gap shundaki, sentyabr oyida Kilian jamoadoshlariga yaqin oylarda «Real»ning o‘yinlariga e’tibor qaratish istagi haqida gapirgan edi. Mbappe klubda qolishni va «Real» bilan chempionlik va individual sovrinlar, xususan, «Oltin to‘p» uchun kurashish imkoniyatiga ega bo‘lish uchun yaxshi formaga ega bo‘lishni xohlaydi.
Eslatib o‘tamiz, Fransiya terma jamoasi noyabr oyida Kilian Mbappening ishtirokisiz Millatlar ligasi doirasida Isroil va Italiyaga qarshi o‘yin o‘tkazadi.
