Angliya terma jamoasi sardori Xarri Keyn vaqtinchalik murabbiy Li Karslining faoliyatiga baho berdi.

Yakshanba kuni inglizlar Irlandiya terma jamoasini mag‘lub etib, ikkinchi bo‘limda beshta javobsiz gol urdi. Karsli uchun bu o‘yin "uch sherlar"ning bosh murabbiy vazifasini bajaruvchi lavozimidagi so‘nggi o‘yin bo‘ldi. Yangi yil boshidan Tomas Tuxel o‘z ishini boshlaydi.

"U barcha xodimlar kabi yuqori saviyada edi, - deydi Keyn Karslining qo‘shgan hissasi haqida. - Yevrodan keyin Millatlar ligasiga o‘tish oson emas - ba’zida motivasiya bilan bog‘liq muammolar yuzaga kelishi mumkin edi. Oxirgi o‘yinda g‘alaba qozonib, guruhni birinchi o‘rinda yakunlaganimizdan xursandman," - dedi "Bavariya" hujumchisi ITV bilan suhbatda.