Fransiya terma jamoasi bosh murabbiyi Didye Desham Millatlar ligasi doirasidagi Italiya ustidan qozonilgan g‘alaba (3:1) haqida fikr bildirdi.
"Biz g‘alaba qozonish qiyinligini bilardik, chunki Italiya ajoyib formada edi. Biz birinchi o‘rinni qo‘lga kirita oldik va menimcha, bunga loyiq edik, chunki biz juda yaxshi ishlarni qildik.
Aytgan bo‘lardimki, yana o‘sha xatolarni takrorlamaslik uchun birinchi uchrashuvdan juda qimmatli saboq oldik. Mening jamoam yosh va tajribasiz, lekin ularda sifat bor va biz buni isbotladik. Bugun g‘alaba qozonish uchun bizga hamma narsa kerak edi. O‘ylaymanki, uchta hujumchidan foydalanish ularning yaxshi himoyalanishida va Italiya uchun muammo yaratishida hal qiluvchi rol o‘ynadi", - deya Desham so‘zlarini keltiradi Football Italia.
Fransiya va Italiya terma jamoalari 13 ochkodan jamg‘arib, A2 guruhining dastlabki ikki pog‘onasidan joy oldi va shu tariqa Millatlar ligasining chorak finaliga yo‘llanma oldi.
