"Yuventus" asosiy hujumchisi Dushan Vlaxovichni jarohati tufayli noma’lum muddatga yo‘qotdi.
24 yoshli futbolchi Serbiya terma jamoasi safida Millatlar ligasining 6-turida Daniyaga qarshi o‘yinda (0:0) jarohat olib, o‘yinning 88-daqiqasida almashtirildi.
La Gazzetta dello Sport nashri xabariga ko‘ra, hujumchi chap sonini jarohatlagan, jarohatning og‘irligi esa u Turinga qaytganidan keyin o‘tkaziladigan tibbiy ko‘rik natijalariga ko‘ra aniqlanadi.
Taxminlarga ko‘ra, serbiyalik forvard jarohati tufayli 23 noyabr, shanba kuni bo‘lib o‘tadigan "Milan"ga qarshi A Seriyaning 13-turi doirasidagi safar uchrashuvida ishtirok eta olmaydi.
Joriy mavsumda Vlaxovich "Yuventus" safida barcha musobaqalarda 16 ta o‘yin o‘tkazib, 9 ta gol va bitta golli uzatmani amalga oshirdi.
