«Bavariya» yarim himoyachisi Joshua Kimmix jamoadoshi Harri Keynning yutug‘i haqida gapirdi.
Angliyalik forvard «Augsburg»ga qarshi uchrashuvda (3:0) ikki marta penaltidan gol urib, xet-trik qayd etdi. Shu tariqa, 31 yoshli futbolchi klub va terma jamoa safida barcha musobaqalarda qatorasiga 25 ta penaltini aniq amalga oshirdi.
«Biz Keynga penalti tepishiga ko‘r-ko‘rona ishonamiz va u ishonchimizni oqlay oladi. Ba’zan tashqaridan bu oddiy bo‘lib tuyuladi, lekin unday emas. Ketma-ket 25 ta penalti - aql bovar qilmaydigan narsa», - dedi Kimmix.
