Arne Slot "Liverpul"ni hozirda Premyer-ligada favorit deb hisoblamaydi.
Mersisaydliklar APL turnir jadvalida peshqadamlik qilmoqda va bir o‘yinlik zaxira bilan “Manchester Siti”dan 5 ochko oldinda. Bugun "Liverpul" 12-tur o‘yinida "Sautgempton"ga qarshi maydonga tushadi.
"Men favoritlar haqida gapirmayapman. Bu zerikarlidek tuyuladi, lekin men faqat keyingi o‘yin haqida gapiryapman. Premyer-ligada raqiblar bilan farq juda kichik, bu butun mavsum davomida shunday. Men chempionatni kuzatib boraman va bir paytlar “Siti” “Arsenal”dan 8 ochko ortda qolgandi.
"Siti", "Arsenal", "Chelsi" va hatto "Manchester Yunayted" kabi jamoalar va boshqalar biz bilan bir xil seriyaga ega bo‘lishlari mumkin. Shunday ekan, biz haqiqatdan uzoqlashmaymiz va uchrashuvga favoritlar nuqtai nazaridan qaraymiz. Futbolchilar g‘alaba qozonish uchun nima qilishlari kerakligini bilishadi va bu juda muhim.
Odamlarning "Liverpul"dan shubhalanishi mutlaqo normal holat. Jamoa avvalgi murabbiy bilan nafaqat to‘qqiz yil ishladi, balki o‘sha yillar muvaffaqiyatli o‘tdi", – dedi “Liverpul” bosh murabbiyi.
