"Bavariya" markaziy himoyachisi Dayo Upamekano "PSJ"ga qarshi o‘yindan nimalar kutayotganini aytdi.
Vensan Kompani jamoasi Chempionlar ligasi umumiy bosqichining beshinchi turida parijlik raqiblarini qabul qiladi. Uchrashuv seshanba kuni Toshkent vaqti bilan 01:00 da bo‘lib o‘tadi.
"Bu biz uchun juda muhim o‘yin, chunki bizning jadvaldagi holatimiz biz istagan joyda emas. Bizni yaxshi o‘yin kutmoqda va umid qilamanki, g‘alaba qozonamiz.
"PSJ" futbolchilari bilan aloqada bo‘ldimmi? Hozircha yo‘q. Ammo men Usmon Dembelga qo‘ng‘iroq qilaman, biz o‘yindan oldin va keyin gaplashamiz," - dedi Upamekano.
