Yarim himoyachi Edersonni sotish masalasida «Atalanta»ning pozisiyasi ma’lum bo‘ldi.

Braziliyalik futbolchiga «Liverpul» va «Manchester Yunayted» da’vogarlik qilmoqda, shuningdek, u «Manchester Siti»ning maqsadlari qatoridan o‘rin olgan. Jurnalist Nikolo Skiraning so‘zlariga ko‘ra, «Atalanta» xavbekni yanvar oyida qo‘yib yubormaslikka qat’iy qaror qilgan. Bergamo klubi 25 yoshli futbolchini sotishdan kamida 60 million yevro ishlab olish niyatida, biroq takliflarni faqat yozgi transfer oynasidan ko‘rib chiqadi.

Ederson joriy mavsumdagi barcha turnirlarda Jan Pyero Gasperini jamoasi safida 18 ta o‘yin o‘tkazib, ikkita gol va bitta golli uzatmani amalga oshirdi.