"Manchester Siti"ning norvegiyalik markaziy hujumchisi Erling Xoland klubini o‘zgartirishi mumkin, bu haqda El Gol Digital nashri xabar bermoqda.

Manbaga ko‘ra, "Barselona" skandinaviyalik hujumchini o‘z safiga qo‘shib olmoqchi. Transfer 2026 yilning yozida amalga oshirilishi mumkin. Sababi, o‘shanda polshalik hujumchi Robert Levandovski jamoani tark etadi. Kataloniyaliklar Xolandni uzoq muddatga polshalikga o‘rinbosar sifatida ko‘rmoqda. Norvegiyalik futbolchining o‘zi faoliyatini La Ligada davom ettirishga tayyor.

Erlingning bozor qiymati 200 million yevroga baholanmoqda. U Premyer-liganing joriy mavsumida 12 o‘yinda 12 ta gol urdi.