Angliya terma jamoasining sobiq bosh murabbiyi Garet Sautgeyt futbolni butunlay tashlab, faoliyatini boshqa ishga bag‘ishlashi mumkinligini inkor etmayapti.
"O‘yinlar oldidan Angliya madhiyasi yangraganida aql bovar qilmaydigan mas’uliyat va g‘ururni his qildim. Bu mening hayotimdagi haqiqatdan ham g‘ayrioddiy davr edi va buni futbolda takrorlash men uchun qiyin bo‘ladi.
Haqiqatan ham qiyin. Chunki futbolda bundan ham mas’uliyatliroq rolni tasavvur qilish qiyin. Aynan shuning uchun men o‘zimni boshqa narsaga bag‘ishlashni o‘ylayapman", - deb yozdi Sautgeyt ijtimoiy tarmoqlarda.
