Fransiyalik sobiq futbolchi Bakari Sanya hamyurti “Real Madrid” hujumchisi Kilian Mbappe haqida fikr bildirdi.

Sanya Mbappening “Real Madrid”dagi faoliyatiga oid tanqidlarga o‘z munosabatini bildirgan. Sobiq futbolchi Kilianning “Real”ga o‘tishi muvaffaqiyatli bo‘lishiga shubha qilmasligini aytgan.

“Hamma undan kelishi bilan hamma rekordlarni yangilashni boshlashini kutgan edi. Yodingizda bo‘lsa, Krishtianu Ronaldu Madriddagi faoliyatini unchalik yaxshi boshlamagan. Benzema ”Real“ga o‘tganida hamma uning transferi katta xato bo‘ldi deb o‘ylagandi. Bekxem ”Real“ga o‘tganida esa odamlar uning transferini omadsizlik deb atashdi”, – deydi Bakari.

Sanya Kilian “Real”da qiyin startni amalga oshirgan birinchi futbolchi emasligini aytdi.

“Bu ko‘plab o‘yinchilar bilan sodir bo‘lgan. Ronaldu, Benzema va Bekxem kabi futbolchilar klub afsonalariga aylanishdi va Kilian ham ularning izidan boradi. Hatto Zidanni ham tanqid qilishgan. Vaqt kerak, lekin Mbappe ”Real“da katta muvaffaqiyatga erishadi. Odamlarning undan umidlari katta, shuning uchun ham u boshqa o‘yinchilarga qaraganda ko‘proq tanqid qilinadi”, – dedi sobiq futbolchi.