Madridning «Real» klubi darvozaboni Tibo Kurtua bor e’tiborini klubiga qaratishini aytdi.
32 yoshli futbolchi bosh murabbiy Domeniko Tedesko bilan kelishmovchilik tufayli o‘tgan yildan beri Belgiya terma jamoasida o‘ynamadi. Yaqinda darvozabonda terma jamoaga qaytish imkoniyati paydo bo‘ldi, ammo u buni rad etdi.
«Terma jamoaga qaytasizmi? Biz yaxshi muloqot qildik, ular mening vaziyat haqidagi tasavvurimni tinglashni xohlashdi. Men samimiy edim va Madridda baxtliman. Xalqaro tanaffuslarda o‘zimni tiklab oldim. Bizda terma jamoa o‘yinlari uchun 20 soat uchadigan Valverde va Vinisius misoli bor. Bu juda charchatadi», - deya Tibo Kurtua so‘zlarini keltiradi «Madrid Zone».
