"Manchester Yunayted" chap qanot himoyachisi Lyuk Shou yana jarohat oldi.

Avval xabar qilinganidek, 29 yoshli futbolchi chorshanba kuni bo‘lib o‘tadigan "Arsenal"ga qarshi APL doirasidagi o‘yinda ishtirok eta olmaydi. Jurnalist Semyuel Lakxerstning so‘zlariga ko‘ra, angliyalik mushakning yangi shikastlanishi tufayli bir necha haftani o‘tkazib yuboradi.

Futbolchi faoliyati davomida shunga o‘xshash muammolarga ko‘p duch keladi.

Lyuk Shou oldingi jarohatidan so‘ng safga qaytganidan beri "qizil iblislar" safida atigi uchta o‘yin o‘tkazdi.