Sobiq angliyalik futbolchi Kris Satton Ange Postekogluning "Tottenxem"dagi muammolari haqida o‘z fikrlari bilan o‘rtoqlashdi.
"Shporlar" joriy Premyer-liganing 15-turidan keyin 11-o‘rinda bormoqda. Yakshanba kungi "Chelsi" bilan o‘yinda Postekoglu shogirdlari 11-daqiqaga kelib 2:0 hisobida oldinda borayotgan bo‘lsa-da, o‘z maydonida mag‘lub bo‘ldi (3:4).
"Postekoglu 25 yildan beri murabbiy bo‘lib ishlayapti va uning uslubi doim ishlagan. Agar uning kamchiligi bo‘lsa, bu qaysarlikdir.
U "Tottenxem"ga ishga kirdi, chunki klub ajoyib futbolni xohlardi. Ammo u murosaga kelmaydi. Xo‘sh, nimani afzal ko‘rasiz: bu uslubni saqlab qolishmi yoki muvozanatli o‘yin ko‘rsatadigan murabbiy topishmi?", - dedi Satton.
