Собиқ англиялик футболчи Крис Саттон Анге Постекоглунинг "Тоттенхэм"даги муаммолари ҳақида ўз фикрлари билан ўртоқлашди.
"Шпорлар" жорий Премьер-лиганинг 15-туридан кейин 11-ўринда бормоқда. Якшанба кунги "Челси" билан ўйинда Постекоглу шогирдлари 11-дақиқага келиб 2:0 ҳисобида олдинда бораётган бўлса-да, ўз майдонида мағлуб бўлди (3:4).
"Постекоглу 25 йилдан бери мураббий бўлиб ишлаяпти ва унинг услуби доим ишлаган. Агар унинг камчилиги бўлса, бу қайсарликдир.
У "Тоттенхэм"га ишга кирди, чунки клуб ажойиб футболни хоҳларди. Аммо у муросага келмайди. Хўш, нимани афзал кўрасиз: бу услубни сақлаб қолишми ёки мувозанатли ўйин кўрсатадиган мураббий топишми?", - деди Саттон.
