"Aston Villa" bosh murabbiyi Unai Emeri jamoaning Chempionlar ligasining 6-turida "RB Leypsig"ga qarshi o‘yinga tayyorligi haqida fikr bildirdi.

"Bu o‘yin biz uchun juda muhim. Jamoada motivasiya bor va kuchli 8talikda qolishni istaydi. "Leypsig" juda kuchli jamoa, garchi ular hali bu mavsum Chempionlar ligasida g‘alaba qozona olmagan bo‘lsa ham.

Biz ularning har bir o‘yinini tomosha qildik va o‘ylaymanki, biz ularni mag‘lub eta olamiz.

Biz Jon Dyuranning o‘yini yaxshi chiqishiga umid qilamiz. U hozir yaxshi formada. Uotkinsning "Brentford"ga qarshi sermahsul o‘yini ham qo‘shimcha motivasiya qo‘shadi.

Asosiysi, xatoga yo‘l qo‘ymaslik va bor e’tiborni o‘yinga qaratish. "Bryugge"ga qarshi o‘yindagi kabi xatolarni nazarda tutyapman", - dedi Emeri.