"Астон Вилла" бош мураббийи Унаи Эмери жамоанинг Чемпионлар лигасининг 6-турида "РБ Лейпциг"га қарши ўйинга тайёрлиги ҳақида фикр билдирди.
"Бу ўйин биз учун жуда муҳим. Жамоада мотивация бор ва кучли 8таликда қолишни истайди. "Лейпциг" жуда кучли жамоа, гарчи улар ҳали бу мавсум Чемпионлар лигасида ғалаба қозона олмаган бўлса ҳам.
Биз уларнинг ҳар бир ўйинини томоша қилдик ва ўйлайманки, биз уларни мағлуб эта оламиз.
Биз Жон Дюраннинг ўйини яхши чиқишига умид қиламиз. У ҳозир яхши формада. Уоткинснинг "Брентфорд"га қарши сермаҳсул ўйини ҳам қўшимча мотивация қўшади.
Асосийси, хатога йўл қўймаслик ва бор эътиборни ўйинга қаратиш. "Брюгге"га қарши ўйиндаги каби хатоларни назарда тутяпман", - деди Эмери.
