"Manchester Yunayted" Den Eshuort bilan yomon tajribadan so‘ng sport direktori lavozimini bekor qilishni rejalashtirmoqda.
Iyul oyida Den Eshuort "Manchester Yunayted" tarixidagi birinchi sport direktoriga aylandi - "Old Trafford" klubi ushbu lavozimni (sport direktori) "Nyukasl"dan taklif qilingan Den uchun maxsus yaratgandi.
Biroq, oradan atigi 159 kun o‘tgach, "Manchester Yunayted" o‘zaro kelishuvga ko‘ra Den Eshuort bilan xayrlashganini e’lon qildi va The Sun "qizil iblislar" Den o‘rniga hech kimni olib kelish niyatida emasligini da’vo qilmoqda.
"MYU" sport direktori lavozimini bekor qiladi, Eshuortning mas’uliyati ser Jim Retkliffning o‘ng qo‘li ser Deyv Breylsford, bosh ijrochi direktor Omar Berrada va texnik direktor Jeyson Uilkoks o‘rtasida taqsimlanadi.
Eshuort esa uzoq vaqt ishsiz qolmasligi mumkin. "Arsenal" "Vest Bromvich", "Brayton" va Angliya futbol federasiyasining sobiq direktoriga qiziqish bildirmoqda, chunki ular ketgan Edu o‘rniga o‘rinbosar qidirmoqdalar.
Eshuort yangi sport direktorini qidirishga rahbarlik qilayotgan "Arsenal" boshqaruvchi direktori Richard Garlik bilan yaqin munosabatlarga ega.
