"Манчестер Юнайтед" Дэн Эшуорт билан ёмон тажрибадан сўнг спорт директори лавозимини бекор қилишни режалаштирмоқда.
Июль ойида Дэн Эшуорт "Манчестер Юнайтед" тарихидаги биринчи спорт директорига айланди - "Олд Траффорд" клуби ушбу лавозимни (спорт директори) "Ньюкасл"дан таклиф қилинган Дэн учун махсус яратганди.
Бироқ, орадан атиги 159 кун ўтгач, "Манчестер Юнайтед" ўзаро келишувга кўра Дэн Эшуорт билан хайрлашганини эълон қилди ва The Sun "қизил иблислар" Дэн ўрнига ҳеч кимни олиб келиш ниятида эмаслигини даъво қилмоқда.
"МЮ" спорт директори лавозимини бекор қилади, Эшуортнинг масъулияти сэр Жим Рэтклиффнинг ўнг қўли сэр Дейв Брэйлсфорд, бош ижрочи директор Омар Беррада ва техник директор Жейсон Уилкокс ўртасида тақсимланади.
Эшуорт эса узоқ вақт ишсиз қолмаслиги мумкин. "Арсенал" "Вест Бромвич", "Брайтон" ва Англия футбол федерациясининг собиқ директорига қизиқиш билдирмоқда, чунки улар кетган Эду ўрнига ўринбосар қидирмоқдалар.
Эшуорт янги спорт директорини қидиришга раҳбарлик қилаётган "Арсенал" бошқарувчи директори Ричард Гарлик билан яқин муносабатларга эга.
