Transfermarkt portali o‘zbekistonlik futbolchilarning yangilangan narxini e’lon qildi. Unga ko‘ra, “Lans” klubi va milliy jamoa himoyachisi Abduqodir Husanovning narxi 12 million yevroga yetdi va O‘zbekistonning eng qimmat futbolchisiga aylandi.

“SSKA” klubi futbolchisi 6 million yevro narx bilan ikkinchi o‘rinni egallab turibdi. O‘zbekiston milliy jamoasi sardori va “Roma” klubi futbolchisi Eldor Shomurodov 5 million yevro bilan kuchli uchlikni egallab turibdi.

Italiya chempionati vakilidan keyingi ikki o‘rinni Eron chempionatida o‘ynayotgan Oston O‘runov (2,5 million yevro) va “Al-Fayha” futbolchisi Otabek Shukurov egallab turibdi.

Ma’lumot uchun, Abduqodir Husanovga berilgan qiymat O‘zbekiston futbolchilari orasidagi ikkinchi natija hisoblanadi. “Roma” klubiga o‘tgan Eldor Shomurodov portal tomonidan 14 million yevroga baholangan edi.

Avvalroq portal Abbosbek Fayzullayevni O‘zbekistonning eng qimmat futbolchisi sifatida e’tirof etgandi.