Jamoamiz yakunlarga ko‘ra umumjamoa hisobida ham 8 ta oltin, 2 ta kumush va 1 ta bronza bilan yana bir bor tengsizligini isbotladi.
Bugun qit’a birinchiligida erkaklar ishtirokidagi final bahslari bo‘lib o‘tdi. Kun davomida 10 nafar bokschilarimiz ringga ko‘tarildi.
Ulardan Shahzod Muzaffarov va Jasurbek Yo‘ldoshevlar teng kurashli bahslarda qozog‘istonlik bokschilarga kichik hisobda imkoniyatni boy berdi va kumush medalga ega chiqdi. Qolgan 8 nafar bokschimiz bo‘lsa, raqiblaridan bir bosh ustunligini yana bir bor isbotladi.
Jamoamiz yakunlarga ko‘ra umumjamoa hisobida ham 8 ta oltin, 2 ta kumush va 1 ta bronza bilan yana bir bor tengsizligini isbotladi. Ushbu natija uchun jamoamiz Qozog‘istonning Parijga borgan asosiy jamoasini ham Ukrainaning kuchli tarkibini ham yangilangan yosh zahira tarkibimiz bilan dog‘da qoldirdi.
G‘olib va sovrindorlarimiz bilan tanishing:
Oltin medal:
-48 kg: Shodiyorjon Meliqo‘ziyev
-51 kg: Asilbek Jalilov
-57 kg: Mirazizbek Mirzahalilov
-63,5 kg: Adhamjon Muhiddinov
-67 kg: Mujibillo Tursunov
-71 kg: Havasbek Asadullayev
-75 kg: Javohir Ummataliyev
-80 kg: To‘rabek Habibullayev
Kumush medal:
-54 kg: Shahzod Muzafarov
-86 kg: Jasurbek Yo‘ldoshev
Bronza medal:
+92 kg: Jahongir Zokirov
