"Yuventus" hujumchisi Dushan Vlahovich "Manchester Siti"ga qarshi o‘yindagi (2:0) o‘yini haqida o‘z fikrlari bilan o‘rtoqlashdi. Serbiyalik futbolchi Chempionlar ligasi bahsining 53-daqiqasida hisobni ochgan bo‘lsa, 73-daqiqada Ueston Makkenni “byankoneri”ning g‘alabasini ta’minladi.

“Shaharliklar”ning yulduz hujumchisi Erling Xoland final hushtagigacha harakat qildi, biroq jamoasini navbatdagi omadsizlikdan qutqara olmadi.

"Men Xolanddan yaxshiroq ko‘rindimmi? Butun jamoamiz ajoyib o‘yin ko‘rsatdi. Biz yaxshi tayyorgarlik ko‘rdik va bizdan talab qilinadigan hamma narsani bajardik. Bu natija biz uchun mavsumning qolgan qismida turtki bo‘lishi mumkin", - dedi Vlahovich.