"Tottenxem" bosh murabbiyi Ange Postekoglu hujumchi Timo Vernerning o‘yinidan noroziligini yashirmadi.

Nemis futbolchisi Yevropa ligasining "Reynjers"ga qarshi o‘yinida (1:1) maydonga tushdi, ammo tanaffusda almashtirildi. "Shporlar" bosh murabbiyi bu qarorga forvardning yomon o‘yini sabab bo‘lganini tan oldi.

"Bu men uchun qabul qilinishi mumkin emas. Buni Timoga aytdim, u Germaniya terma jamoasi futbolchisi. Bizning hozirgi sharoitimizda, imkoniyatlari ko‘p bo‘lmaganda, menga maydonga tushgan har bir kishi hech bo‘lmaganda o‘zini eng yaxshi tomonlarini ko‘rsatishga harakat qilishi kerak. Vernerning birinchi bo‘limdagi o‘yini nomaqbul edi.

Har bir inson, shu jumladan u ham hissa qo‘shishi kerak. Bizda yomon o‘yin tufayli kimnidir o‘zgartirish uchun jamoamizda yetarlicha zaxira yo‘q", dedi Postekoglu.