«Yuventus» yaqin kelajakda hujumchi Kenan Yildizni sotishni rejalashtirmayapti.

19 yoshli futbolchiga bo‘lgan talab o‘sishda davom etmoqda, chunki u Angliyaga ko‘chib o‘tishi mumkin. Insayder Mirko di Natalening so‘zlariga ko‘ra, istiqbolli turkka haqiqatdan ham APL grandlari, jumladan, «Manchester Yunayted» ham qiziqmoqda, ammo «Yuventus»ning yosh forvard kelajagi borasidagi pozisiyasi o‘zgarishsiz qolmoqda – u sotilmaydi.

«Transfermarkt» portalida Kenan Yildizning narxi 40 million yevroga baholangan. Futbolchining «keksa sinyora» bilan amaldagi shartnomasi 2029 yilgacha mo‘ljallangan.