«Ювентус» яқин келажакда ҳужумчи Кенан Йилдизни сотишни режалаштирмаяпти.
19 ёшли футболчига бўлган талаб ўсишда давом этмоқда, чунки у Англияга кўчиб ўтиши мумкин. Инсайдер Мирко ди Наталенинг сўзларига кўра, истиқболли туркка ҳақиқатдан ҳам АПЛ грандлари, жумладан, «Манчестер Юнайтед» ҳам қизиқмоқда, аммо «Ювентус»нинг ёш форвард келажаги борасидаги позицияси ўзгаришсиз қолмоқда – у сотилмайди.
«Transfermarkt» порталида Кенан Йилдизнинг нархи 40 миллион еврога баҳоланган. Футболчининг «кекса синьора» билан амалдаги шартномаси 2029 йилгача мўлжалланган.
