Dushan Vlaxovich mojarodan so‘ng "Yuventus" muxlislariga murojaat qildi.
Turinliklar A seriyaning 16-turida "Venesiya" bilan durang o‘ynadi (2:2). Natijadan norozi bo‘lgan "Yuventus" muxlislari o‘yindan so‘ng jamoani haqorat qildi.
Vlaxovich muxlislarga javob berib baqirdi, so‘ng qo‘shiqlar davom etar ekan, o‘rta barmog‘ini ko‘tardi.
"Men so‘nggi natijalardan umidsizlikni tushunaman va buni bildirishga to‘liq huquqingiz bor.
Men sizni doim hurmat qilganman va bu futbolka uchun borimni berganman, har kuni qo‘llab-quvvatlaganingiz uchun rahmat.
Endi birlashish, jamoani qo‘llab-quvvatlash va boshidan boshlash muhim”, — dedi “Yuventus” hujumchisi ijtimoiy tarmoqlarda.
