Душан Влахович можародан сўнг "Ювентус" мухлисларига мурожаат қилди.
Туринликлар А сериянинг 16-турида "Венеция" билан дуранг ўйнади (2:2). Натижадан норози бўлган "Ювентус" мухлислари ўйиндан сўнг жамоани ҳақорат қилди.
Влахович мухлисларга жавоб бериб бақирди, сўнг қўшиқлар давом этар экан, ўрта бармоғини кўтарди.
"Мен сўнгги натижалардан умидсизликни тушунаман ва буни билдиришга тўлиқ ҳуқуқингиз бор.
Мен сизни доим ҳурмат қилганман ва бу футболка учун боримни берганман, ҳар куни қўллаб-қувватлаганингиз учун раҳмат.
Энди бирлашиш, жамоани қўллаб-қувватлаш ва бошидан бошлаш муҳим”, — деди “Ювентус” ҳужумчиси ижтимоий тармоқларда.
