Madridning «Real» klubining sobiq yulduzi Ronaldo Braziliya futbol konfederasiyasi prezidentligi uchun kurashadi. Braziliyalik sobiq futbolchining so‘zlariga ko‘ra, u so‘nggi yillardagi muvaffaqiyatsizliklarga qaramay, terma jamoaning istiqbollarini yuqori baholaydi.
«Bizda eng yaxshi futbolchilar bor. Bizda Vinisius, Neymar, Rodrigo, Estevao, Endrik bor. Bizda iqtidorlar ko‘p, qanday qilib yaxshi o‘ynay olmaymiz? Biz bu dinamikani o‘zgartirishimiz kerak. Braziliya jahon chempionatida, Amerika Kubogida bosh qahramon bo‘lishi kerak, u Olimpiadani o‘tkazib yubora olmaydi. Bizning iqtidorimizni hisobga olsak, bu qabul qilib bo‘lmaydi», dedi Ronaldo «Globo Esporte» nashriga.
Oxirgi 2022 yilgi jahon chempionatida Braziliya terma jamoasi chorak finalda Xorvatiyaga imkoniyatni boy bergandi.
