“Milan” yarim himoyachisi Tidjani Reynders “Manchester Siti”ning transfer maqsadiga aylandi. Niderlandiyalik futbolchi “rossonerilar” bilan shartnomasini uzaytirishga yaqin turibdi, biroq italyan grandiga uni o‘z safida saqlab qolish oson bo‘lmaydi.

"Manchester Siti" Reynders uchun 50 million yevro to‘lashga tayyor. 26 yoshli futbolchini o‘z safiga qo‘shishga "shaharliklar" bosh murabbiyi Pep Gvardiolaning shaxsan o‘zi qiziqmoqda.

"Manchester Siti" yanvar oyida tarkibni kuchaytirishni rejalashtirmoqda va yarim himoya uchun yangi o‘yinchi sotib olish klubning bozordagi ustuvor yo‘nalishi hisoblanadi. Tidjani Reynders joriy mavsum “Milan” safida 21 ta o‘yinda maydonga tushib, 7 ta gol va 3 ta golli uzatmaga mualliflik qilgan.