«Barselona» va «Manchester Yunayted» qishki transfer oynasida o‘yinchilarini almashishi mumkin. «El Nacional» o‘z sahifalarida xabar berishicha, hujumchi Markus Reshford Kataloniya klubiga, yarim himoyachi Frenki de Yong esa qarama-qarshi yo‘nalishga o‘tishi mumkin.

Matbuotda «Barselona» juda yuqori maosh oladigan 27 yoshli de Yong bilan xayrlashish istagi borligi haqida bir necha bor yozgan edi. 27 yoshli Reshfordga kelsak, u haligacha «Manchester Yunayted»da Ruben Amorim bilan kelisha olgani yo‘q. Hujumchi bosh murabbiy qaroriga ko‘ra, hafta oxirida «Manchester Siti»ga qarshi bo‘lib o‘tgan APL derbisida ishtirok eta olmagandi.