"Monako" vingeri Magnes Akliush qishki transfer oynasida jamoani tark etmasa kerak.

Insayder Fabrisio Romanoning so‘zlariga ko‘ra, "Monako" Yevropaning top klublari qiziqishiga qaramay, yanvarda 22 yoshli futbolchi bilan xayrlashishni rejalashtirmayapti. Ayni damda Akliush monegasklar uchun asosiy o‘yinchi hisoblanadi, biroq u mavsum yakunlanganidan keyin klubni tark etishi mumkin, deya ta’kidladi manba.

Joriy mavsumda Akliush barcha musobaqalarda 21 ta o‘yin o‘tkazib, 4 ta gol urdi va 5 ta golli uzatmani amalga oshirdi.