"Монако" вингери Магнес Аклиуш қишки трансфер ойнасида жамоани тарк этмаса керак.
Инсайдер Фабрицио Романонинг сўзларига кўра, "Монако" Европанинг топ клублари қизиқишига қарамай, январда 22 ёшли футболчи билан хайрлашишни режалаштирмаяпти. Айни дамда Аклиуш монегасклар учун асосий ўйинчи ҳисобланади, бироқ у мавсум якунланганидан кейин клубни тарк этиши мумкин, дея таъкидлади манба.
Жорий мавсумда Аклиуш барча мусобақаларда 21 та ўйин ўтказиб, 4 та гол урди ва 5 та голли узатмани амалга оширди.
