"Benfika" markaziy himoyachisi Antonio Silva faoliyatini "Yuventus"da davom ettirmoqchi.
"Keksa sinyora"ning 21 yoshli futbolchiga qiziqishi haqidagi ma’lumotlar noyabr oyida matbuotda paydo bo‘lgan edi.
Mashhur agent Xorxe Mendeshning so‘zlariga ko‘ra, umidli markaziy himoyachi Turinga ko‘chib o‘tishga juda qiziqmoqda.
"Silva "Yuventus"ga o‘tishni talab qilmoqda, "Yuventus" esa uni sotib olishda turib oldi. Endi gap “Benfika”ga qoldi. Biz sabr qilishimiz kerak, chunki bunday narsalarni besh daqiqada hal qilib bo‘lmaydi, transfer bozori hamon yopiq. Antonio izlanuvchan futbolchi, unga boshqa klublar ham qiziqish bildirishgan. Ko‘ramiz, «Benfika» nima qaror qiladi", - dedi Mendesh.
