"Бенфика" марказий ҳимоячиси Антонио Силва фаолиятини "Ювентус"да давом эттирмоқчи.
"Кекса синёра"нинг 21 ёшли футболчига қизиқиши ҳақидаги маълумотлар ноябрь ойида матбуотда пайдо бўлган эди.
Машҳур агент Хорхе Мендешнинг сўзларига кўра, умидли марказий ҳимоячи Туринга кўчиб ўтишга жуда қизиқмоқда.
"Силва "Ювентус"га ўтишни талаб қилмоқда, "Ювентус" эса уни сотиб олишда туриб олди. Энди гап “Бенфика”га қолди. Биз сабр қилишимиз керак, чунки бундай нарсаларни беш дақиқада ҳал қилиб бўлмайди, трансфер бозори ҳамон ёпиқ. Антонио изланувчан футболчи, унга бошқа клублар ҳам қизиқиш билдиришган. Кўрамиз, «Бенфика» нима қарор қилади", - деди Мендеш.
