"Atalanta" "Manchester Yunayted"ning katta qiziqishiga qaramay, yanvar oyidagi transfer oynasida yarim himoyachi Ederson Lourensoni hech qanday holatda sotmaydi, deb xabar beradi «Tuttomercatoweb».

Shu bilan birga, kelasi yozda bergamoliklar bu transfer bo‘yicha kamida 60 million yevro evaziga muzokara boshlashga tayyor.

Ederson "Salernitana"dan 22,9 million yevro evaziga ko‘chib o‘tganidan so‘ng 2022 yilning iyulidan beri "Atalanta"da o‘ynamoqda. Uning shartnomasi 2027 yilning 30 iyuniga qadar amal qiladi.

Joriy mavsumda braziliyalik futbolchi klub safida 23 ta o‘yinda maydonga tushib, 2 ta gol va 1 ta golli uzatmani amalga oshirdi.