"Аталанта" "Манчестер Юнайтед"нинг катта қизиқишига қарамай, январь ойидаги трансфер ойнасида ярим ҳимоячи Эдерсон Лоуренсони ҳеч қандай ҳолатда сотмайди, деб хабар беради «Tuttomercatoweb».

Шу билан бирга, келаси ёзда бергамоликлар бу трансфер бўйича камида 60 миллион евро эвазига музокара бошлашга тайёр.

Эдерсон "Салернитана"дан 22,9 миллион евро эвазига кўчиб ўтганидан сўнг 2022 йилнинг июлидан бери "Аталанта"да ўйнамоқда. Унинг шартномаси 2027 йилнинг 30 июнига қадар амал қилади.

Жорий мавсумда бразилиялик футболчи клуб сафида 23 та ўйинда майдонга тушиб, 2 та гол ва 1 та голли узатмани амалга оширди.